ГУК "Щучинская районная библиотека имени Тётки"

ПІНХУС КРЭМЕНЬ

ПІНХУС КРЭМЕНЬ

      Пінхус Крэмень (фр.: Pinchus Krémègne, 28 ліпеня 1890, Жалудок, каля Ліды — 5 красавіка 1981, Серэ, Пірэнеі Усходнія, Францыя) — французскі мастак Парыжскай школы. Акрамя жывапісу, займаўся таксама скульптурай і графікай.

Нарадзіўся ў яўрэйскай сям’і, бацька – рамеснік. У 1909-1910 вучыўся ў мастацкай школе Вільні, дзе пазнаёміўся з Суціным і Кікоіным.

У 1912 пасяліўся ў Парыжы, у інтэрнацыянальным інтэрнаце мастакоў «Вулей» (фр. La Ruche). Пазнаёміўся з Шагалам, Лежэ, Цадкіным, Мадыльяні, Дэрэнам. У 1914 выставіў тры скульптурныя працы ў Салоне незалежных.

У Першую сусветную вайну жыў у Парыжы. У гэты перыяд яго карцінамі пачалі цікавіцца парыжскія калекцыянеры (Поль Гіём, Леапольд Збароўскі). У 1918 пасяліўся ў серцы, прыязджаў у Парыж, у 1920-я гады шмат падарожнічаў (Корсіка, Швецыя).

Другую сусветную вайну правёў на поўдні Францыі, у дэпартаменце Карэз, быў наёмным работнікам у вёсцы. У 1945 пасяліўся ў Серэ.

Пахаваны ў Парыжы на могілках Манпарнас.

 

 Бібліяграфія

 

  • Антонова, А. Скромный и колоссальный Кремень / Анна Антонова // Гродненская праўда. – 2014. –   9 крас. –   С. 9.
  • Белохвостик  Н. Художники Парижской школы теперь в Гродно / Надежда Белохвостик //  Комсомольская правда в Белоруссии. – 2015. — 1 дек. — С.7.
  • Кремень Пинхус (1890—1981) / В. А. Ермоленко ; В. Н. Черепица // 400
    имен: жизнеописания видных деятелей истории и культуры Гродненщины (с древних времен до начала XX века). – Гродно, 2014. – С. 434.
  • Крепак, Б. “Сціплы і каласальны” жывапісец з Жалудка / Барыс Крэпак //  Культура.- 2011.- № 37.- C. 15.